Karib hövzəsində yerləşən Amerikan Vircin adalarının Turizm Departamenti il ərzində adaya səyahət edən turistlərə 300 dollar ödəyəcək. "Fins.az" xəbər verir ki, bu qərar Vircin adalarının ABŞ-a birləşdirilməsinin 100-cü ildönümünü qeyd etmək məqsədilə verilib.
Pulu almaq üçün əvvəlcə adaya getmək, daha sonra isə VisitUSVI.com saytında təqdim olunan otel siyahısından istədiyinizi bron etməlisiniz. Bundan sonra departament tərəfindən sizə 300 dolları əvəz edəcək çek təqdim olunur. Lakin çekdən yalnız muzeylər və eko-turlarda istifadə etmək mümkündür. Qeyd edək ki, Amerikan Vircin adaları 1917-ci ildə 25 milyon dollara ABŞ-a satılıb.
Ekspress.az
