“Ambassador” oteldə azyaşlını zorlayan şəxs həbs edildi

05.02.2019 17:21
193
“Ambassador” oteldə azyaşlını zorlayan şəxs həbs edildi

Bu gün Bakı Apellyasiya Məhkəməsində 16 yaşına çatmayan şəxslə cinsi əlaqədə olma və ya seksual xarakterli digər hərəkətlər etməkdə təqsirləndirilən Nəriman Əhmədovun barəsində həbs qətimkan tədbiri seçilib.


Ekspress.az xəbər verir ki, bu barədə azyaşlının atası R.T. (ad şərtidir) məlumat verib.

Onun sözlərinə görə, hakim Nəriman Əhmədovun üç aylıq həbs edilməsinə qərar verib:


“Ötən gün saat 10:00 üçün təyin edilən məhkəmə prosesi cinayət işi materialları ilə tanış olmaq üçün fevralın 5-nə keçirilmişdi. Bu gün Bakı Apellyasiya Məhkəməsində vəkilin iştirakı ilə şəxsin üç aylıq həbs edilməsinə dair qərar verib. Qərar əsasında N.Əhmədov məhkəmə zalından birbaşa Kürdəxanı həbsxanasına göndərilib. İstintaq isə davam edir”.


Zərərçəkmiş tərəfinin vəkili Elnur Nəcəfov N.Əhmədovun həbs edildiyini təsdiqləyib (oxu.az).


Qeyd edək ki, zorlamada ittiham olunan Nəriman Əhmədov “Ambassador” otelin sahibi Asif Əhmədovun oğludur. Zorlama hadisəsinin də həmin oteldə baş verdiyi bildirilir.

  • SON XƏBƏR
  • TREND