"Bavariya" ardıcıl 6-cı dəfə Almaniya çempionu olub

18.05.2019 20:04
71
"Bavariya" ardıcıl 6-cı dəfə Almaniya çempionu olub

Mayın 18-də futbol üzrə Almaniya çempionatının 2018-2019-cu il mövsümünə yekun vurulub.


Bundesliqanın qalibi olan Münxenin “Bavariya” klubu ardıcıl altıncı dəfə çempion adını qazanıb. Münxenlilər sonuncu - 34-cü turda doğma azarkeşlər önündə “Ayntraxt” klubunu məğlub 5:1 hesabı ilə məğlub edərək xallarının sayını 78-ə çatdırıb. Beləliklə, “Bavariya” ardıcıl 6-cı, tarixində isə 29-cu dəfə Almaniya çempionu adını qazanıb. “Bavariya”nın polşalı hücumçusu Robert Levandovski mövsüm ərzində 22 dəfə fərqlənərək çempionatın ən məhsuldar futbolçusu olub.


Çempionatın gümüş medallarına 76 xal toplayan “Borussiya Dortmund” komandası sahib olub (Azərtac). “Leypsiq” komandası 66 xalla üçüncü, “Bayer Leverkuzen” isə 58 xalla dördüncü olub. İlk dörd yeri tutan komandalar 2019-2020-ci il mövsümündə UEFA Çempionlar Liqasında iştirak hüququ qazanıblar.


“Borussiya Mönxenqladbax”, “Volfsburq” və “Ayntraxt” klubları isə UEFA Avropa Liqasında çıxış edəcəklər.

Bundesliqanın sonuncu turunda aşağıdakı nəticələr qeydə alınıb:

“Mainz” - “Hoffenhaym” - 4:2;

“Borussiya Mönhenbladbax” - “Borussiya Dortmund” - 0:2;

“Bavariya” - “Ayntraxt” - 5:1;

“Şalke” - “Ştuttqard” - 0:0;

“Fortuna Düsseldorf” - “Hannover” - 2:1;

“Herta Berlin” - “Bayer Leverkuzen” - 1:5;

“Fraiburq” - “Nürnberq” - 5:1;

“Volfsburq” - “Auqsburq” - 8:1;

“Verder Bremen” - “Leipsiq” - 2:1.


Ekspress.az

  • SON XƏBƏR
  • TREND