Bu gün müəllimlərin peşə bayramıdır

05.10.2019 10:22
375
Bu gün müəllimlərin peşə bayramıdır

Bu gün Beynəlxalq Müəllimlər Günüdür.


Ekspress.az xəbər verir ki, 5 oktyabr Azərbaycanda müəllimlərin peşə bayramı qeyd olunur. 1966-cı ilin bu günü UNESKO və Beynəlxalq Əmək Təşkilatının birgə təşkilatçılığı ilə çağırılan konfransda müəllimlərin peşə fəaliyyətinin şərtlərini müəyyən edən "Müəllimlərin statusu haqqında" adlı ilk beynəlxalq sənəd imzalanıb.


1994-cü ildən isə həmin tarix UNESKO tərəfindən Ümumdünya Müəllimlər Günü kimi təsis edilib. Bu tarix, həmçinin, BMT-nin beynəlxalq və ümumdünya günlər sisteminə daxildir. Bu günün qeyd olunmasında məqsəd müəllimlərin cəmiyyətdəki mövqeyi, təhsil və inkişafdakı roluna diqqət yetirməkdir.


Qeyd edək ki, "Müəllimlər günü" hazırda dünyanın 100-dən çox ölkəsində ümumdünya səviyyədə, bəzi ölkələrdə isə müxtəlif tarixlərdə milli səviyyədə qeyd edilir. Azərbaycanda "Müəllimlər Günü" ilk dəfə 1993-cü ilin oktyabrın 5-də qeyd olunub.


Ekspress.az

Açar sözlər:
Xəbərlər bölməsindən populyar xəbərlər
  • SON XƏBƏR
  • TREND