Rusiya Ermənistana satdığı qazın qiymətini artırır

24.12.2018 12:38
148
Rusiya Ermənistana satdığı qazın qiymətini artırır

Rusiya baş naziri Dmitri Medvedevin müavini Dmitri Kozak Ermənistan hökumətinə - konkret olaraq erməni həmkarı Tiqran Avinyana rəsmi məktub ünvanlayaraq, 2019-cu ildən etibarən Rusiyanın satdığı təbii qazın qiymətinin artacağını bildirib. Ekspress.az Fins.az-a istinadən xəbər verir ki, məktubda Dmitri Kozak Rusiyanın sərhəddəki qazının min kubmetrinin qiymətinin 215 dollar olacağını və bu qərarın müzakirə edilməyəcəyini bildirib.


“Məsələ ilə bağlı biz Avinyanın özündən şərh almağa çalışdıq. Amma onun ofisinin rəhbəri Varaq Siseryan bildirdi ki, baş nazirin müavini gün ərzində bir neçə görüşdə iştirak edəcəyindən suala cavab verməyə vaxtı olmayacaq. Bununla belə, qaydalara uyğun olaraq ofis 5 gün ərzində bu sualı cavablandıracağını deyib” – “168 jam” qəzeti yazır.


Hazırda Ermənistan sərhəddə Rusiya qazının min kubmetrini 150 dollara alır. Yerevan bu qiymətin daha da azaldılmasını istəyir və bunun üçün Moskva ilə danışıqlar aparır. Erməni KİV-ləri isə yazır ki, əgər razılıq əldə olunmazsa, gələn ildən Rusiya təbii qazını Ermənistana daha baha qiymətə satacaq ki, bu da erməni istehlakçıların daha çox vergi verməsi ilə nəticələnəcək.


Ekspress.az

  • SON XƏBƏR
  • TREND