Yığmamız ruslarla bacarmadı

Yaponiyada qadın voleybolçular arasında keçirilən 18-ci dünya çempionatı davam edir. Azərbaycan yığması da ğdaxil olmaqla, planetin 24 ən yaxşı komandasının 4 qrupda (hərəsində 6 komanda) mübarizə apardığı bu möhtəşəm yarışda bu gün 3-cü turun oyunlarına start verilib. ABŞ, Rusiya, Tayland, Cənubi Koreya və Trinidad-Tobaqoyla yanışı, mundialın «C» qrupunda yer alan Faiq Qarayevin yetirmələri hesabat turunda Rusiya millisiylə qarşılaşıb.

Xatırladaq ki, startda hazırki dünya çempionu adını daşıyan ABŞ millisinə 0:3 (27:29, 21:25, 21:25) hesabla uduzandan sonra ikinci turda Koreya üzərində 3:1(25:18, 25:18, 23:25, 25:18) hesablı qələbə qazanan yığmamız şimallı qonşularımızla bacarmayıb. Görüş rusların «quru» hesablı qələbəsiylə başa çatıb - 3:0 (25:21, 25:21, 25:22). Həmin oyunda Azərbaycan yığmasının heyətində ən məhsuldar oyunçu yenə də Polina Rəhimova olub. ABŞ-la oyunda 24, koreyalılarla görüşdə 23 xal toplayan Polina bu dəfə özünün və yığmamızın aktivinə 19 xal yazdırıb ki, bu da voleybolçumuza 66 xalla mundialın bombardirləri siyahısına liderlik etmək imkanı verib. O, bu xalların 51-ni hücumdə, 6-sını blokda, 9-nu isə servisdə qazanıb. Bombardirlərin siyahısında ikinci yeri 59 (54-3-2) xalla rusiyalı Natalya Qoncarova, üçüncü yerisə 56 (44-5-7) xalı olan almaniyalı Loisa Lippmann tutur. Bu gün yığmamızın yer aldığı qrupda daha iki görüş keçiriləcək. Trinidad-Tobaqo Taylandla, ABŞ isə Koreya münasibətlərə aydınlıq gətirməyə çalışacaq.

Hazırda yığmamızın yer aldığı qrupda komandaların turnir cədvəlində vəziyyət belədir:

1. Rusiya   3      3      0      9-2   253-1201   8

2. ABŞ      2      2      0      6-0   154-102     6

3. Tayland 2      1      1      5-5   189-205     3

4. Azərbaycan     3      1      2      3-7   231-233     3

5. Koreya  2      0      2      3-6   181-194     1

6. T.Tobaqo        2      0      2      0-6   77-150       0