• 6 °C Bakı
  • -2 °C Quba
  • 6 °C Gəncə
  • 6 °C Yevlax
  • 4 °C Naxçıvan

Qida Təhlükəsizliyi Agentliyinin rəhbəri biznesi bağlı məlumatlara cavab verib

20.02.2019 17:15
71
Qida Təhlükəsizliyi Agentliyinin rəhbəri biznesi bağlı məlumatlara cavab verib

Qida Təhlükəsizliyi Agentliyinin sədri Qoşqar Təhməzli xarici ölkələrdə biznes şəbəkəsinin olması ilə bağlı məlumatlara aydınlıq gətirib. 

 

Ekspress.az xəbər verir ki, Təhməzli açıqlamasında sahibkarlıq fəaliyyəti ilə məşğul olması barədə yazılanlarda hər hansı bir problem görmədiyini deyib:

 

“Mən, cənab Prezidentin fərmanı ilə bu vəzifəyə təyin olunmuşam. Bu vəzifəyə təyin olunmamışdan 15 il öncə isə sahibkarlıq fəaliyyəti ilə məşğul olmuşam. Mən beynəlxalq bizneslə məşğulam. Özüm də ixtisasca həkiməm.


Nəinki sadalanan ölkələrdə, digər ölkələrdə də tibbi innovasiyalarla, tibbi layihələrin tətbiqi ilə, tibbi sektorda müəssisələrin qurulması ilə, labarotoriyaların təchiz olunması ilə, lal-kar uşaqların reabilitasiya məsələləri ilə məşğul olmuşam, o cümlədən də Avropada. Bu barədə də rəsmi məlumatlar gedib (Unikal.org).


Mən 2017-ci ilə qədər iş adamı olmuşam, bununla da fəxr edirəm. Dünyanın bir sıra ölkələrində iri şirkətlərin təmsilçisi olmuşam. İş adamı olmaq qəbahətdir?


Eyni zamanda, Qarabağ müharibəsi veteranıyam. Qarabağda sağlamlığını itirmiş qardaşlarımızın reabilitasiyasına kömək etmişəm. Bu işlərdə bir qəbahət varmı? Mənim təyinatım olanda rəsmi məlumat getmişdi ki, illərdir özəl bizneslə məşğul olmuşam. Mən fəxr edirəm ki, öz əməyim və zəhmətimlə biznes sahəsində, tibbi sahələrdə öz işimi qurmuşam”.


Ekspress.az

  • SON XƏBƏR
  • TREND