"Fitch" "Azsığorta"nın "B" reytinqi ilə maliyyə sabitliyini təsdiqlədi

21.11.2018 11:06
82
"Fitch" "Azsığorta"nın "B" reytinqi ilə maliyyə sabitliyini təsdiqlədi

"Fitch Ratings" nüfuzlu beynəlxalq reytinq agentliyi "AzSığorta" (“AzInsurance”)ASC-nin "B" reytinqinə uyğun maliyyə sabitliyini təsdiqləyib.


"AzSığorta" şirkətinin Direktorlar Şurasının rəhbəri Viladi Maniyev bildirib:""Fitch" tərəfindən təsdiq olunmuş “B” davamlıq reytinqi şirkətimizin sabitliyinə sübutdur. Əldə etdiyimiz təcrübə və gələcək üçün nəzərdə tutulmuş planları rəhbər tutaraq uzunmüddətli inkişaf strategiyamızın uğurla həyata keçirilməsini hədəf götürmüşük".


2018-ci ilin yanvar-sentyabr ayları ərzində inzibati xərclərin azaldılması və portfel keyfiyyətinin yüksəldilməsi sayəsində "AzSığorta" birləşdirilmiş zərərlik əmsalını 84%-ə qədər azaltmış, nəticədə 4,3 milyon manat məbləğində xalis mənfəət əldə edib.

"AzSığorta" Azərbaycanda beynəlxalq reytinqə malik olan iki sığorta şirkətindən biridir.


Ölkənin kapitallaşmaya görə aparıcı sığorta şirkətlərinin ilk üçlüyünə daxil olan “AzSığorta” müştərilərlə etibarlı əməkdaşlıq nümayiş etdirir. "AzSığorta" güclü bazar mövqeyinə malikdir və Azərbaycanın sığorta bazarında əmlak, məsuliyyət və avtomobil sığortası liderlərdən biridir.


Murad MƏMMƏDLİ

  • SON XƏBƏR
  • TREND