• 21 °C Bakı
  • 20 °C Quba
  • 19 °C Gəncə
  • 15 °C Yevlax
  • 17 °C Naxçıvan

Başqa ölkələrdə tələbələr nə qədər təqaüd alırlar?

16.02.2019 18:22
228
Başqa ölkələrdə tələbələr nə qədər təqaüd alırlar?

Xəbər verdiyimiz kimi, Prezident İlham Əliyev doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlərin verilməsi haqqında sərəncam imzalayıb.


Sərəncama əsasən, dövlət büdcəsinin vəsaiti hesabına doktorantlara, ali təhsil, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində təhsil alan tələbələrə təqaüdlər aşağıdakı məbləğlərdə müəyyən edilir:


- Doktorantura pilləsi üzrə:

elmlər doktoru hazırlığı üzrə doktorantlara - 300 manat

fəlsəfə doktoru hazırlığı üzrə doktorantlara - 180 manat


- ali təhsil müəssisələrində və Azərbaycan Milli Elmlər Akademiyasında:

adlı təqaüd alan tələbələrə – 170 manat


- magistratura səviyyəsi üzrə:

akademik göstəriciləri 91-100 bal olan tələbələrə – 145 manat

akademik göstəriciləri 71-100 bal olan tələbələrə – 120 manat

akademik göstəriciləri 51-100 bal olan tələbələrə – 80 manat


- bakalavriat səviyyəsi üzrə:

akademik göstəriciləri 91-100 bal olan tələbələrə – 130 manat

akademik göstəriciləri 71-100 bal olan tələbələrə – 110 manat

akademik göstəriciləri 51-100 bal olan tələbələrə – 75 manat


- orta ixtisas təhsili müəssisələrində:

akademik göstəriciləri 91-100 bal olan tələbələrə – 75 manat

akademik göstəriciləri 71-100 bal olan tələbələrə – 60 manat

akademik göstəriciləri 51-100 bal olan tələbələrə – 50 manat


- Peşə təhsili müəssisələrinin tələbələrinə – 50 manat.


Azərbaycanın ali təhsil və orta ixtisas təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində əyani təhsil alan tələbələrə dövlət büdcəsinin vəsaiti hesabına təqaüdlər dövlət sifarişi, dövlət hesabına və ödənişli əsaslarla təhsil almalarından asılı olmayaraq, ümumi orta müvəffəqiyyət göstəricisi nəzərə alınmaqla, fənlər üzrə akademik nailiyyətlərinə görə bu sərəncamın 1.2-ci və 1.3-cü bəndləri ilə müəyyən edilmiş məbləğlərdə ödəniləcək.


Bu sərəncamın 1.1-ci və 1.4-cü bəndləri ilə müəyyən edilmiş təqaüdlər yalnız dövlət büdcəsinin vəsaiti hesabına təhsil alan doktorantlara və peşə təhsili müəssisələrinin tələbələrinə ödəniləcək.


Müəyyən edilir ki, təqaüdlərin ödənilməsi, doktorantura pilləsində, orta ixtisas və peşə təhsili müəssisələrində, həmçinin Azərbaycan Milli Elmlər Akademiyasının magistratura səviyyəsində dövlət sifarişi və dövlət hesabına təhsilalanların sayı saxlanılmaqla, dövlət büdcəsindən təqaüd üçün ayrılan vəsait həddində həyata keçirilir.

"Doktorantlara, ali təhsil, orta ixtisas və ilk peşə-ixtisas təhsili müəssisələrinin tələbələrinə və şagirdlərinə verilən təqaüdlərin artırılması, həmçinin Azərbaycan Milli Elmlər Akademiyasının magistratura səviyyəsi üzrə tələbələrinə təqaüdlərin verilməsi haqqında” Azərbaycan Prezidentinin 2013-cü il 30 avqust tarixli 3108 nömrəli sərəncamının 1-ci, 1-1-ci və 2-ci hissələri ləğv edilsin.


Nazirlər Kabinetinə bu sərəncamdan irəli gələn digər məsələləri həll etmək tapşırılıb.


Bu sərəncam 2019-cu il martın 1-dən qüvvəyə minir.


Maraqlıdır, başqa ölkələrdə tələbələrin təqaüdü nə qədərdir? Təhsil eksperti Kamran Əsədov "facebook" səhifəsində bəzi ölkələrdə tələbə təqaüdlərini qeyd edib:


1. Rusiyada tələbələrin aldığı təqaüd 40 dollardır.

2. Belarusiyada tələbələrin təqaüdü 53 dollardır.

3. Ukrayna tələbələri 80 dollar təqaüd alır. 

4. Qazaxıstanda təqaüd orta hesabla 184 dollardır. 

5. Fransada belə təqaüdlər 350 avro

6. Səudiyyə Ərəbistanında tələbələr 700 dollar təqaüd alırlar. 

7. Küveytdə isə subay tələbələr 700, ailəlilər isə 1200 dollar təqaüd alır.

8. İtaliyada tələbələr 840 avro

təqaüd alırlar.


Qənirə MƏMMƏDLİ

  • SON XƏBƏR
  • TREND