Polşanın Azərbaycandakı səfirinin diplomatik fəaliyyəti başa çatıb



25.06.2019 19:27
73
Polşanın Azərbaycandakı səfirinin diplomatik fəaliyyəti başa çatıb

Xarici İşlər naziri Elmar Məmmədyarov Polşanın Azərbaycandakı səfiri Marek Tsalkanı diplomatik fəaliyyətinin başa çatması münasibətilə qəbul edib.


Ekspress.az xəbər verir ki, XİN-dən verilən məlumata görə, görüş zamanı tərəflər iki ölkə arasında siyasi və iqtisadi əlaqələrin inkişafından məmnunluqla danışıblar. Azərbaycan və Polşa arasında həyata keçirilən yüksək səviyyəli səfərlər mübadiləsinin ölkələr arasında mövcud olan strateji tərəfdaşlıq münasibətlərinin daha da inkişaf etdirilməsinə müsbət təkan verdiyi vurğulanıb.


Səfir Marek Tsalka Polşa Respublikasının beynəlxalq hüququn norma və prinsiplərinə sadiqliyini vurğulayaraq ölkəsinin Azərbaycan Respublikasının beynəlxalq sərhədləri çərçivəsində ərazi bütövlüyü və suverenliyini dəstəklədiyini bir daha ifadə edib (report).

Görüş zamanı tərəflər habelə qarşılıqlı maraq doğuran regional və beynəlxalq məsələlər ilə bağlı fikir mübadiləsi aparıblar.


Nazir Elmar Məmədyarov səfir Marek Tsalkanın ikitərəfli münasibətlərin inkişafı istiqamətindəki səylərini yüksək qiymətləndirib. O, Polşa səfirinə gələcək diplomatik fəaliyyətində uğurlar arzulayıb.


Ekspress.az

Açar sözlər:
  • SON XƏBƏR
  • TREND