"Votsap"da yeni funksiyalar istifadəyə verilib - hələlik pulsuzdur

25.01.2019 15:23
312
"Votsap"da yeni funksiyalar istifadəyə verilib - hələlik pulsuzdur


"Votsap"a (WhatsApp) kompüterlə daxil olanlar üçün əhəmiyyətli funksiyalar istifadəyə verilib. 


Ekspress.az xəbər verir ki, "Votsap" 2018-ci ilin əvvəllərində müəssisələrə özəl "WhatsApp Business"i təqdim etmişdi.

"Feysbuk"a (Facebook) aid olan şirkətin bu yeni tətbiqi bir çox fərqli xüsusiyyətlərə sahib idi. Şirkət bu tətbiqə bəzi funksiyalar əlavə edəcəyini açıqlayıb.


Belə ki, bu funksiyalar vasitəsilə bundan sonra "Votsap Biznes"i (WhatsApp Business) kompüter vasitəsilə istifadə edənlər zamana qənaət edərək müştərilərə daha tez cavab verə biləcəklər.


Şirkətin açıqlamasına görə, "Votsap Biznes" istifadə edən 5 milyona yaxın müəssisə var.


"Votsap Biznes"ə əlavə edilən ikinci funksiya etiketləmədir. Bu funksiya vasitəsilə söhbətləri etiketləmək və axtarılan bir söhbəti tapmaq asan olacaq.


Tətbiqə əlavə edilən 3-cü funksiya çat siyahısını filtirləmədir. Bu xüsusiyyətlə istifadəçilər mesajları qruplara, oxunmuş-oxunmamışlara görə sinifləndirə biləcək.


Şirkət və ya hərhansı bir firma sahibi "Votsap Biznes"ə keçərək həm şəxsi hesabını, həm də iş hesabını iki ayrı cihaza ehtiyac duymadan rahatlıqla istifadə edə biləcək.


Qeyd edək ki, tətbiq hələ istifadəçilərə pulsuz təqdim edilir.


"Votsap Biznes"i normal tətbiqdən fərqləndirən digər bir xüsusiyyət isə tətbiqə şəhər telefonları ilə üzv ola bilmək xüsusiyyətidir. Bu tətbiq sayəsində şirkətlər müştərilərlə daha asan əlaqə yarada biləcək.

Açar sözlər: