• 17 °C Bakı
  • 17 °C Quba
  • 18 °C Gəncə
  • 19 °C Yevlax
  • 20 °C Naxçıvan
  • AZN:
  • USD 1.7000
  • EUR 1.9635
  • RUB 0.0257
  • GBP 2.2293
  • TRY 0.2890
  • GEL 0.6421
  • Qızıl 2077
  • USD:
  • EUR 0.863
  • TRY 5.7
  • RUB 65.4
  • GBP 0.759
  • AED 3.67
  • Neft 81.30

Orta aylıq maaş 541 manatdır

11.10.2018 14:27
20
Orta aylıq maaş 541 manatdır

2018-ci il sentyabrın 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 0,9 faiz artaraq 1 milyon 540,3 min nəfər olub. Onlardan 880,4 min nəfəri iqtisadiyyatın dövlət sektorunda, 659,9 min nəfəri qeyri-dövlət sektorunda fəaliyyət göstərib.


Dövlət Statistika Komitəsinin məlumatına əsasən, muzdla işləyənlərin 21,3 faizi təhsil, 18,9 faizi ticarət; nəqliyyat vasitələrinin təmiri, 13,3 faizi sənaye, 8,5 faizi əhaliyə səhiyyə və sosial xidmətlərin göstərilməsi, 7,1 faizi tikinti, 7,0 faizi dövlət idarəetməsi və müdafiə; sosial təminat, 4,6 faizi nəqliyyat və anbar təsərrüfatı, 3,4 faizi peşə, elmi və texniki fəaliyyət, 3,2 faizi kənd təsərrüfatı, meşə təsərrüfatı və balıqçılıq, 1,6 faizi maliyyə və sığorta fəaliyyəti, 11,1 faizi isə iqtisadiyyatın digər sahələrində məşğul olub.


2018-ci ilin yanvar-avqust aylarında ölkə iqtisadiyyatında muzdla çalışan işçilərin orta aylıq nominal əməkhaqqı əvvəlki ilin müvafiq dövrünə nisbətən 3,1 faiz artaraq 541,2 manata çatıb. İqtisadiyyatın mədənçıxarma sənayesi, maliyyə və sığorta fəaliyyəti, peşə, elmi və texniki fəaliyyət, informasiya və rabitə, nəqliyyat və anbar təsərrüfatı, eləcə də tikinti sahələrində orta aylıq nominal əməkhaqqı daha yüksək olub.


Ekspress.az


Açar sözlər:
  • SON XƏBƏR
  • TREND