Ərdoğanın partiyası İstanbuldakı seçkilərin ləğvini tələb etdi

05.04.2019 15:29
151
Ərdoğanın partiyası İstanbuldakı seçkilərin ləğvini tələb etdi

Ekspress.az xəbər verir ki, AKP-nin müraciətini araşdıran İstanbul Seçki Dairəsi tələbi rədd edib və bildirib ki, İstanbuldakı seçki nəticələrinin ləğvinə səbəb olacaq heç bir pozuntu yoxdur.  


**

Türkiyənin iqtidardakı Ədalət və İnkişaf Partiyası martın 31-də baş tutan bələdiyyə seçkilərində İstanbulun nəticələrinin ləğv edilməsini və seçkilərin yenidən keçirilməsini tələb edir.

 

Partiyanın Böyükçəkməcə rayon təşkilatı bu rayonda qeyri-qanuni seçici qeydiyyatı aparıldığını iddia edərək, İstanbul bələdiyyəsinə seçkilərinin nəticələrinin ləğv edilməsini tələb edir. 

 

Partiya bununla bağlı İstanbulun Seçki Dairəsinə müraciət edib. 

 

Qeyd edək ki, bələdiyyə seçkilərinin rəsmi olmayan rəqəmlərinə görə, İstanbulun yeni bələdiyyə sədri müxalif "Millət İttifaqı"nın namizədi Əkrəm İmamoğlu olub. O, seçicilərin 48,8 faiz səsini alaraq, rəqibi AKP namizədi Binəli Yıldırıma qalib gəlib.


Ekspress.az

Açar sözlər:
  • SON XƏBƏR
  • TREND