Valentin Xristovun «bürüncü» geri alındı

24.12.2018 11:37
1982
Valentin Xristovun «bürüncü» geri alındı

Beynəlxalq Anti Dopinq Agentliyi (VADA) London Olimpiadasından (London-2012) sonra dopinq-testdən keçirdiyi və bu testdə ilişərək əldə etdikləri medalları geri alınan idmançıların adlarını açıqlayıb. Olimpiya medalı geri alınanlar arasında Azərbaycan yığmasının bolqarıstanlı legioneri Valentin Xristovun (56 kq) da adı var. Ekspress.az xəbər verir ki, bu haqda məlumatı Beynəlxalq Ağır Atletika Federasiyası yayıb.


Xatırladaq ki, Xristov London Olimpiadasında üçüncü yeri tutmaqla bürünc medal qazanmışdı. İndi sə Xristov həmin «bürüncünü», Azərbaycan yığması isə London Olimpiadasında əldə etdiyi medallardan birini geri qaytarmalı olub.


Azərbaycan 2012-ci ildə Londonda keçirilən 30-cu Yay Olimpiya Oyunlarında 3-si qızıl, 2-si gümüş və 6-sı bürünc əyarlı olmaqla 10 medal qazanmışdı. Və nəticəyə görə də Azərbaycan Polşa ilə 30-31-ci yerləri bölüşmüşdü. Artıq bu medallardan biri («bürünc») geri alındı və 9 medalımız qaldı.  


Bir məqamı da qeyd edək ki, Xristovla yanaşı, Beynəlxalq Ağır Atletika Federasiyası ukraynalı Aleksandr Toroxtiyi, özbəkistanlı Ruslan Nurudinovu, belaruslu Nikolay Novikovu və erməni Meline Dalueyanın da medalını geri alıb.