• 8 °C Bakı
  • 3 °C Quba
  • 8 °C Gəncə
  • 8 °C Yevlax
  • 6 °C Naxçıvan

“Qarabağ” Çempionlar Liqasının “TOP-100”lüyündə

24.12.2018 21:09
143
“Qarabağ” Çempionlar Liqasının “TOP-100”lüyündə

UEFA 1955-ci ildən indiyə qədər Çempionlar Liqasında çıxış etmiş bütün klubların reytinq cədvəlini açıqlayıb.


Ekspress.az UEFA-nın saytına istinadən xəbər verir ki, siyahıda "Qarabağ”ın da adı var. Çempionlar Liqasının 63 illik tarixi ərzində 4-ü təsnifat, 1-i isə qrup mərhələsi olmaqla, ümumilikdə 5 dəfə qitənin bir nömrəli klub turnirində mübarizə aparan Ağdam təmsilçisi 33 xalla 100-cü pillədə qərarlaşıb.


Çempionlar Liqasında 30 oyun keçirən "Qarabağ” bu matçların 11-də qələbə qazanıb, 11-də heç-heçə edib. Qurban Qurbanovun komandası 8 görüşdə məğlub olub.


Azərbaycanın digər klubları - "Neftçi" 167-ci, "Bakı" 265-ci, "Keşlə" 290-cı, "Şəmkir" 389-cu, "Kəpəz" 390-cı, "Xəzər Lənkəran" isə 415-ci pillədə qərarlaşıb.


Qeyd edək ki, siyahıya 590 xalla "Real Madrid” başçılıq edir. "Bavariya" 462 xalla ikinci, "Barselona" isə 427 xalla 3-cü yerdədir. Siyahıda ümumilikdə 513 komanda yer alıb.


Ekspress.az

Açar sözlər:
  • SON XƏBƏR
  • TREND