"Hökumət Nəsiminin nəşinin Azərbaycana gətirilməsini düşünsün" - Tahir Kərimli

15.03.2019 17:28
69
"Hökumət Nəsiminin nəşinin Azərbaycana gətirilməsini düşünsün" - Tahir Kərimli

“Prezident İlham Əliyevə Ağsu və Şamaxıda zəlzələ ilə əhaliyə verilən dəstəyə, görülən işlərə görə seçicilərim adından təşəkkür edirəm”.

 

Ekspress.az xəbər verir ki, bunu Milli Məclisin iclasında deputat Tahir Kərimli bildirib.

 

O, operativ fəaliyyətlə əlaqədar Fövqəladə Hallar Nazirliyinə də təşükkür edib:


“Səhiyyə Nazirliyinə də təşəkkür etmək istəyirəm. Səhiyyə Nazirliyi səhhətində problemləri olan insanlarla bağlı müraciətimə operativ reaksyia verib, müvafiq addımlar atılıb”.

 

Gömrük sahəsində görülən işlər nəticəsində Azərbaycanda büdcəyə ciddi daxilolmaların baş verdiyini deyən deputat vergi, ekologiya sahəsində yeni metodların üzə çıxmasını müsbət qiymətləndirib:

 

“Biz artıq güclü dövlət qurmuşuq. Ölkəmizdə sənaye, aqroparklar, kənd təsərrüfatı sahəsi güclüdür. Bu islahatların mahiyyəti, güclü dövlət və güclü cəmiyyətin qurulmasından ibarətdir”.


Deputat çıxışında 2019-cu ilin “Nəsimi ili” olmasına da diqqət çəkib.

 

“Nəsimi Azərbaycan mütəfəkkiridir. Dahi Azərbaycan şairidir. Hökumətdən Azərbaycan şairinin nəşinin Azərbaycana gətirilməsi ilə bağlı düşünməyi təklif edirəm”, - deyə T.Kərimli bildirib.

Açar sözlər:
  • SON XƏBƏR
  • TREND