• 18 °C Bakı
  • 16 °C Quba
  • 18 °C Gəncə
  • 17 °C Yevlax
  • 13 °C Naxçıvan

Azərbaycan Hindistanda “Canlı Qucarat 2019” Zirvə Görüşündə təmsil olunur

21.01.2019 09:22
82
Azərbaycan Hindistanda “Canlı Qucarat 2019” Zirvə Görüşündə təmsil olunur


Yanvarın 18-20-də Hindistanın Qucarat ştatının Qandinaqar şəhərində “Canlı Qucarat 2019” Zirvə Görüşü keçirilir. 2003-cü ildən təşkil olunan və artıq 9-cu dəfədir ki, keçirilən tədbirin əsas məqsədi Hindistanın iqtisadi potensialının təbliği, investisiya qoyuluşu üzrə müzakirələrin aparılmasıdır. 3 gün davam edəcək Zirvə Görüşü çərçivəsində ticarət, maliyyə, enerji, nəqliyyat və İKT sahələrində seminarlar və dəyirmi masalar təşkil ediləcək.


İqtisadiyyat Nazirliyindən Ekspress.az-a verilən xəbərə əsasən, görüşdə ölkəmizi İqtisadiyyat nazirinin müavini Sahib Məmmədov təmsil edib.


Tədbir çərçivəsində İqtisadiyyat nazirinin müavini Sahib Məmmədov Qucarat ştatının Baş nazirinin müavini Nitin Patel ilə görüşüb. Sahib Məmmədov Azərbaycanda sahibkarlığın inkişafı, biznes mühitinin yaxşılaşdırılması sahəsində həyata keçirilən tədbirlər və ardıcıl islahatlar, ölkəmizin əlverişli biznes və investisiya mühiti barədə məlumat verib, əməkdaşlıq imkanları barədə müzakirələr aparılıb.  



Açar sözlər:
  • SON XƏBƏR
  • TREND