Azərbaycanda avtomobil benzini istehsalı 2,3% artıb


20.08.2019 10:47
73
Azərbaycanda avtomobil benzini istehsalı 2,3% artıb

Bu ilin yanvar-iyul ayları ərzində Azərbaycanda neft məhsullarının istehsalı sahəsində istehsalın ümumi dəyəri 1 840,2 mln. manat təşkil edib.


Ekspress.az -ın Dövlət Statistika Komitəsinə istinadən verdiyi xəbərə görə, neft məhsullarının istehsalıəvvəlkiilinyanvar-iyulayları ilə müqayisədə 1,4% artıb.


Hesabat dövründə ölkədə 714,1 min ton avtomobil benzini istehsal edilib ki, bu da əvvəlki ilin yeddi ayından 2,3% çoxdur. Bu il avqustun 1-nə 46 min ton hazır məhsul ehtiyatı qalıb.

Yanvar-iyul ayları ərzində 170,4 min ton neft-kimya sənayesində istifadə üçün benzin, 350,8 min ton ağ neft, 1 249,4 min ton dizel yanacağı, 63,3 min ton yanacaq mazutu istehsal edilib. Neft-kimya sənayesində istifadə üçün benzin istehsalında 26,8%, ağ neft istehsalında 0,5%, dizel yanacağı istehsalında 6,9%, yanacaq mazutu istehsalında 72% artım qeydə alınıb.


Hesabat dövründə ölkədə 12,4 min ton sürtkü yağları, 132,4 min ton neft bitumu, 144,4 min ton neft koksu istehsal edilib ki, sürtkü yağlarının istehsalı 79,8%, neft bitumunun istehsalı 19,4%, neft koksunun istehsalı 4,8% azalıb. (report)


Ekspress.az


  • SON XƏBƏR
  • TREND