• 9 °C Bakı
  • 6 °C Quba
  • 9 °C Gəncə
  • 6 °C Yevlax
  • 9 °C Naxçıvan

Bu il Britaniya şirkəti Azərbaycanda 2,7 tona qədər qızıl çıxarmağı planlaşdırır

12.02.2019 12:20
36
Bu il Britaniya şirkəti Azərbaycanda 2,7 tona qədər qızıl çıxarmağı planlaşdırır

Britaniyanın "Anglo Asian Mining" şirkəti (ААМ – Azərbaycanda qızıl yataqlarının işlənməsi üzrə operator) 2019-cu ildə 82 min unsiyadan 86 min unsiyaya (2.55-2.67 ton) qədər əlvan metal hasil etməyi planlaşdırır. Bu barədə şitkətin məlumatında qeyd olunur.

 

“Cari il üçün proqnoz 82 mindən 86 min unsiya qızıl ekvivalenti arasında dəyişir, bunun 65 mindən 67,5 min unsiyayadık həcmi qızılın paylına düşəcək. 2018-ci ildə əlvan metal hasilatının həcmi 83 min 736 unsiya qızıl ekvivalentində, həmçinin 72 min 798 unsiya təmiz qızıl təşkil edib”, - şirkətdən vurğulayıblar.

 

Ekspress.az xəbər verir ki, "Anglo Asian Mining"in məlumatına görə, 2019-cu ildə 3,1 mindən 3,3 min tonadək həcmdə mis, 28 mindən 30 min unsiya qızıl ekvivalentində mis konsentratının hasilatı gözlənilir (İnterfaks-Azərbaycan). 2018-ci ildə şirkət 1645 ton mis və 17 min 791 unsiya qızıl ekvivalentində mis konsentratı hasil edib.

 

Məlumata görə, 2019-cui ilin hasilat proqnozları şirkətin metallara olan qiymət büdcəsində müəyyən edilən hesablamalara əsasən hazırlanıb: bir unsiya qızıl üçün - 1250 dollar, bir unsiya gümüş üçün 15 dollar, bit ron mis üçün 6,1 dollar.

 

Xəbər verildiyi kimi, PSA tipli müqavilə 1997-ci il avqustun 21-də imzalanıb və 6 yatağın işlənməsini nəzərdə tutur. Müqavilədə Azərbaycanın payı 51% “Anglo Asian Mining PLc” şirkətinin payı 49% təşkil edir.

 

Müqaviləyə əsasən bu yataqlardan 400 ton qızıl, 2,5 min ton gümüş və 1,5 min ton mis çıxarılması nəzərdə tutulur.

 

“Gədəbəy” yatağından ilk qızıl hasilatına 2009-cu ildə, gümüş hasilatına 2010-cu ildə başlanılıb.“Qoşa” yatağından qızıl hasilatı 2013-cü ilin III rübündən həyata keçirilir. 2015-ci ilin yayında isə şirkət “Qədir” yatağında, 2017-ci ilin sentyabr ayından isə “Uğur” yatağında qızıl hasilatına başlayıb.


Ekspress.az

 

  • SON XƏBƏR
  • TREND