Partiya sədri təhsil nazirinə müraciət etdi

11.02.2019 12:50
139
Partiya sədri təhsil nazirinə müraciət etdi

Azərbaycan Liberal Demokrat Partiyasının (ALDP) sədri Fuad Əliyev Azərbaycan Respublikasının təhsil naziri Ceyhun Bayramova açıq məktub yazıb. Bu barədə Ekspress.az-a ALDP-nin mətbuat xidmətindən bildirilib.


ALDP sədri müraciətində Azərbaycanda təhsil sistemində çalışan pedaqoji kollektivin əksəriyyətini qadınlardan ibarət olduğuna diqqət şəkir: "Ana və bacılarımıza sevgi və ehtiramla yanaşmağımız bizim adət-ənənələrimizdən irəli gəlir".

F.Əliyev artıq 8 Mart - Beynəlxalq Qadınlar Günü yaxınlaşdığından, fevral ayının əvvəlindən bəzi orta məktəblərdə valideynlərdən pul yığılmasına başlanıldığını vurğulayılr. Dediyinə görə, bununla bağlı ona şoxsaylı şikayətləır daxil olur: "Məktəblər müxtəlif ərazilərdə yerləşdikləri kimi toplanacaq pulların miqdarı da müxtəlifdir" deyən ALDP sədri daha sonra bir neçə orta məktəbin adını açıqlayıb.


"Valideyinlərin Təhsil Nazirliyinin "Qaynar xətt"inə zəng vurmamasına aydınlıq gətimək istəyirəm. Onların sözlərinə görə, "Qaynar xətt"də Müəllimlər günü, 8 Mart, Bilik günü və digər bayramlarda pul yığılması ilə bağlı zəng vurandan sonra uşaqlara təzyiqlər olur. İş o yerə gəlib çıxır ki, bu təzyiqlərdən sonra valideyinlər uşağı məktəbdən çıxarıb başqa məktəbə keçirmək məcburiyyətində qalırlar. Ona görə bu hallardan qorxaraq valideyinlər "Qaynar xətt"ə yox, digər təşkilatlara, o cümlədən bizim kimi siyasi partiyalara üz tuturlar" deyən F.Əliyev inanmaq istəyir ki, bu məktub məktəb direktorlarına, müəllimlərə, valideyinlərə və şagirdlərə heç bir problem yaratmaz.


"Ümid edirəm ki, məlum bayramlarda məktəblərdə pul yığma kampaniyasına sizin kəskin müdaxiləniz nəticəsində son qoyulacaq, - deyə ALDP sədri müraciətində vurğulayır.


Ekspress.az

Açar sözlər:
Xəbərlər bölməsindən populyar xəbərlər
  • SON XƏBƏR
  • TREND