Azərbaycandan Gürcüstana turist axını artıb


06.09.2019 17:34
119
Azərbaycandan Gürcüstana turist axını artıb

Ötən ay Azərbaycandan Gürcüstana səfər edən turistlərin sayında artım qeydə alınıb.


Ekspress.az xəbər verir ki, bu barədə TBC Bankın “TBC Research” bölməsinin araşdırmasında bildirilib.


Avqust ayının 19-dan 26-dək Azərbaycandan qonşu ölkəyə yollanan ziyarətçilərin sayı illik müqayisədə 6 300 nəfər artıb.


Avqustun 26-dan 31-dək isə azərbaycanlı turistlərin sayında ötən ilin eyni dövrü ilə müqayisədə 7 200nəfər artım olub.


Araşdırma Gürcüstan Daxili İşlər Nazirliyinin göstəriciləri əsasında hazırlanıb.


Sənəddə qeyd olunub ki, avqust ayı ərzində Gürcüstana səfər edən əcnəbi ziyarətçilərin sayı barədə ətraflı göstəriciləri ölkənin Milli Turizm Administrasiyası yaxın günlərdə açıqlayacaq.


Qeyd edək ki, ötən ilin avqustunda Gürcüstan Azərbaycandan 200 454 ziyarətçi qəbul edib. (report)


Ekspress.az