İlham Əliyev Qazaxıstanın yeni prezidentini təbrik edib

10.06.2019 12:19
30
İlham Əliyev Qazaxıstanın yeni prezidentini təbrik edib

Prezident İlham Əliyev Qazaxıstan Respublikasının Prezidenti Zati-aliləri cənab Kasım-Jomart Tokayevə təbrik məktubu göndırib.


Ekspress.az AZƏRTAC-a istinadən məktubun mətnini təqdim edir:


"Hörmətli Kasım-Jomart Kemeleviç, 


Qazaxıstan Respublikasının Prezidenti vəzifəsinə seçilməyiniz münasibətilə Sizi ürəkdən təbrik edirəm.


Azərbaycan-Qazaxıstan münasibətləri xalqlarımızın ortaq tarixi, milli-mənəvi köklərindən qaynaqlanır. İnanıram ki, belə möhkəm təməllərə əsaslanan dövlətlərarası münasibətlərimizin və strateji tərəfdaşlığımızın bundan sonra da inkişaf etdirilməsi, ikitərəfli və çoxtərəfli qaydada əməkdaşlığımızın daha da dərinləşdirilməsi istiqamətində birgə səylər göstərəcəyik.


Sizə möhkəm cansağlığı, xoşbəxtlik, qardaş Qazaxıstan xalqının rifahı naminə fəaliyyətinizdə uğurlar arzulayıram".


Ekspress.az

  • SON XƏBƏR
  • TREND